Korrika 13: 2003-IV-4 / 2003-IV-13    Maule - Iruñea

“Herri bat geroa lantzen, korrika”

​

Euskaren alde antolatzen den ekitaldirik jendetsuena da Korrika. Hamahirugarren edizioak gogora ekarri nahi izan zuen Euskal Herriak bere kultura eta hizkuntza berreskuratzeko lana ez dela gaurkoa. 60-70. hamarkadetan euskara eta euskal kulturari ekarpen garrantzitsua egin zioten horiek jaso zuten Korrika 13ren gorazarrea. “Ez dok amairu” mugimenduak eta bertako partaide izan ez baina hainbat esparru artistikotan aritutakoek jaso zuten omenaldia. Edizio honek, gainera, protagonista berezia izan zuen: Euskaldunon Egunkaria.